Premyer Liqada XV turun "Qarabağ" - "Neftçi" matçında futbolçular arasında gərginlik yaranıb. Sportnet.az-ın məlumatına görə, ilk yarının uzatma dəqiqəsində Ernest Nforla təkbətək mübarizə nəticəsində Qara Qarayev yerdə qalıb.
Amma qonaqlar oyunu davam etdiriblər. Topu meydandan kənara çıxarmayan Araz Abdullayev Riçard Almeydanı keçməyə çalışıb. Bu zaman Almeyda topu ələ keçirərək, çölə vurub. Daha sonra o, Abdullayevlə yerdə zədəli oyunçu olduğu halda, topu meydandan kənara çıxarmamasının haqq-hesabını çəkməyə başlayıb. "Neftçi"nin futbolçusu ona sərt formada reaksiya verib. Nəticədə tərəflər kəllə-kəlləyə gəliblər. Yalnız "Qarabağ"ın kapitanı Rəşad Sadıqovun müdaxiləsindən sonra ara sakitləşib.
Qeyd edək ki, ilk yarıdan sonra hesab açılmayıb - 0:0.
