"Yaxşı oynadıq, güclülərlə oynayanda əksərən məğlub olurduq. Bizdə legioner qalmayıb, digərlərində isə legioner olduğundan, güclü təsir bağışlayırlar. "Bakı"da yerli futbolçular əsasən gənclərdən ibarətdir. Ona görə də bundan artığına gücümüz çatmır". Bu sözləri Sportnet.az-a açıqlamasında Topaz Premyer Liqasının XVI turunda "Xəzər Lənkəran"la qarşılaşan "Bakı"nın futbolçusu Jaba deyib.
O, komandada özünü yaxşı hiss etdiyini bildirib: "Bakı"da maliyyə problemləri olsa da, mən burada xoşbəxtəm. Hələlik müqaviləm davam edir. Komandadakı gələcəyimə klub prezidenti Hafiz Məmmədovla görüşdən sonra aydınlıq gələcək".
