"Xəzər Lənkəran”ın rumıniyalı futbolçu Adrian Pitə borcu var. Bu barədə Sportnet.az-a 31 yaşlı yarımmüdafiəçinin özü məlumat verib.
Klubla müqaviləsi yenicə başa çatan Pit bunu tam detalları ilə açıqlamasa da, Cənub təmsilçisindən alacağı olduğunu bildirib. Bundan əlavə, o, klubdan transfer vərəqəsini hələ almadığını və bu səbəbdən də başqa komandalarla danışıq aparmadığını deyib.
Rumıniyalı Lənkəran komandasına yenicə baş məşqçi təyin olunan Oğuz Çətinin "ağ-yaşıllar”a uğur qazandırıb-qazandırmayacağı ilə bağlı danışmağın hələ tez olduğunu bildirib "Bu barədə nəsə demək hələ tezdir. Gələcəkdə görəcəyik necə olur”.
Qeyd edək ki, Adrian Pit 2011-ci ildən "Xəzər Lənkəran”da çıxış edirdi.
