"Problem nədədir bilmirik. Gülünc qollar buraxırıq. Elə bil məşqdir". Bu sözləri Sportnet.az-a açıqlamasında "Xəzər Lənkəran"ın yarımmüdafiəçisi Əfran İsmayılov deyib.
26 yaşlı futbolçu Topaz Premyer Liqasının XVII turunda "Qarabağ"a 2:3 hesabı ilə məğlub olduqları oyunu belə şərh edib: "Belə qollar olmaz axı. Bu müdafiə ilə çempionluğa necə oynaya bilərik?! Fikirləşib bir qərara gəlmək, nəticə çıxartmaq lazımdır. Komanda şəklində yaxşı oynadıq. "Qarabağ" elə də oyun göstərmədi. Öz səhvlərimizdən uduzduq. Elə bil özümüz özümüzü udduq. Özümüz qol vurub, özümüz də buraxdıq. Belə bir oyun getdi. Axırda da məğlub olduq".
