"Xəzər Lənkəran"ın syerre-leoneli yarımmüdafiəçisi Alfred Sanko komandadan ayrıla bilər. Afrikalı futbolçuya Türkiyə PTT I liqa klublarından təkliflər var. Bunu Sportnet.az-a açıqlamasında Sanko özü də təsdiqləyib.
O bildirib ki, həqiqətən onunla maraqlanan klublar var: "Belə təkliflər olub. Amma mən daha çox "Xəzər Lənkəran"ı düşünürəm. Amma daha sərfəli təklif olacağı halda, düşünə bilərəm. Çünki yaşamaq üçün bizə də pul lazımdır".
Qeyd edək ki, bundan öncə daha iki futbolçu - Deyan Blajevski və Qalin İvanov maliyyə durumunu əsas gətirərək "Xəzər Lənkəran"ı tərk edib.
