"2014-cü ildə bir çox xoşagəlməz hallarla rastlaşdım. Zədələrdən çox əziyyət çəkdim". Sportnet.az xəbər verir ki, bu sözləri klubun rəsmi saytına açıqlamasında "Qəbələ"nin qapıçısı Kamran Ağayev deyib.
O, 2014-cü ildə üzləşiyi problemlərə görə karyerasını bitirmək istədiyini sonradan bu vəziyyətdən çıxdığını bildirib: "Hətta futbol karyeramı bitirmək barədə də düşünmüşdüm. Amma bu hallar mənə şükür etməyi, çətin vəziyyətlərdən çıxmağı öyrətdi. "Qəbələ”dəki sağlam mühit də futbol həyatımın davam etməsinə vasitə oldu. Hələ ki, heç nə itirilməyib. Futbol oynayırıqsa, hədəflərimiz var. 2015-ci ildə özümə və komandama bu hədəflərə çatmağı arzulayıram”.
