AFFA İcraiyyə Komitəsinin (İK) üzvü Mirkamil Rəhimov Çingiz Abdullayevin "Neftçi" futbol klubunun prezidenti postuna mümkün təyinatını şərh edib. O, Sportnet.az-a açıqlamasında Ç.Abdullayevə yazıçı kimi böyük hörmətinin olduğunu bildirib.
"Çingiz müəllim dünya şöhrətli yazıçımızdır" deyən İK üzvü onu klub rəhbəri kimi görmədiyini söyləyib: "Hər kəs öz bildiyi işlə məşğul olmalıdır. Mən Çingiz Abdullayevi klub rəhbəri kimi görmürəm. Çünki "Neftçi" bir oyunu uduzan kimi azarkeşlər "İstefa" qışqıracaqlar. Bu isə Çingiz müəllimi hörmətdən salacaq. Hər kəs öz işi ilə məşğul olmalıdır".
Qeyd edək ki, Çingiz Abdullayevin bu gün SOCAR-da keçiriləcək iclasda "Neftçi"nin prezidenti olacağı gözlənilir.
