"Çətin oyun olacağını bilirdik. Bu səbəbdən, matça çox yaxşı hazırlaşmışdıq. Əsas məqsədimiz qol buraxmamaq idi". Bunu Sportnet.az-a açıqlamasında "Qarabağ"ın futbolçusu Muarem Muarem "Simurq"u 1:0 hesabı ilə yendikləri Azərbaycan Kubokunun ilk yarımfinal matçından sonra deyib.
Makedoniyalı yarımmüdafiəçi bildirib ki, cavab görüşü daha çətin keçəcək: "Bundan sonra "Simurq"la həm kubok, həm də Premyer Liqa oyunumuz var. Ona görə də qarşıdakı oyunlara daha ciddi hazırlaşmalıyıq. Bu gün minimal hesabla qalib gəldik. Səfər matçında qol buraxmamağa çalışmalıyıq. Bizi çətin səfər oyunu gözləyir".
Qeyd edək ki, Zaqataladakı təkrar qarşılaşma aprelin 21-də keçiriləcək.
