Azərbaycan yığma komandasının futbolçusu Ruslan Abışovun "Qəbələ"yə keçidinin yubanma səbəbi müəyyənləşib. Sportnet.az-ın məlumatına görə, futbolçu transfer vərəqini hələ də ala bilməyib.
Məlumatı "Qəbələ"nin meneceri Səbuhi Səfiyarlı da təsdiqləyib. Klub rəsmisinin sözlərinə görə, müqavilə ilə Rusiya "Rubin"inə məxsus dayaq yarımmüdafiəçisi Kazan təmsilçisi ilə müəyyən problemləri həll edə bilmir: "Onu 6 aylığa icarəyə götürmək istəyirik. Lakin Abışov hər gün transfer vərəqi ilə problemin ertəsi gün həll ediləcəyini deyir. Bizə isə gözləməkdən başqa çarə qalmayıb".
