"Azarkeşlərimizə qələbə sevinci yaşatdığımız üçün şadıq". "Report"un məlumatına görə, bunu qadın voleybolçulardan ibarət "Azərreyl" komandasının baş məşqçisi Famil Ağayev deyib.
Çempionlar Liqasının qrup mərhələsinin ilk oyununda Polşanın "Dabrova Qornitsa" klubu üzərində 3:1 hesablı qələbə qazanan Azərbaycan təmsilçisinin baş məşqçisi bunları bildirib: "Bu güclü rəqibə qarşı çox əhəmiyyətli qələbə oldu. Oyunçularımız xarakter və əsl komanda ruhu nümayiş etdirdi".
Qeyd edək ki, "Azərreyl" C qrupunda növbəti görüşünü Türkiyədə "Fənərbağça"ya qarşı keçirəcək.
