Aprelin 5-də Bakıda start götürəcək I Türk Universiadasında çıxış edəcək qadın voleybolçulardan ibarət yığmamızın heyəti açıqlanıb.
Sportnet.az xəbər verir ki, Vüqar Əliyevin rəhbərliyi altında yarışa qatılacaq millimizin "12-liy”i belədir: Odina Bayramova, Ceyran İmanova (Əliyeva), Mariya Kirilyuk, Viktoriya Ağakişiyeva, Leysan İyovkina, Anastasiya Bessonova, Kseniya Pavlenko, Leyla Parşkova, Şəfaqət Alışanova (Həbibova), Yana Əzimova, Bəyaz Əliyeva, Yekaterina Jidkova.
Komandamız aprelin 8-də Qırğızıstanla, bir gün sonra isə Türkiyə ilə üz-üzə gələcək. Hər 2 görüş Dərnəgül Voleybol Mərkəzində keçiriləcək və saat 18:00-da başlayacaq.
Türk Universiadasında kişilərdən ibarət yığmamız da qüvvəsini sınayacaq. Onların rəqibləri Türkiyə voleybolçuları olacaqlar. Komandalar ilk qarşılaşmasına aprelin 7-də, ikinci oyununa ertəsi gün çıxacaqlar. Matçlar saat 15:00-da start götürəcək. Heyət yaxın müddətdə açıqlanacaq.
