İdman Araşdırmalar Mərkəzinin (İAM) 22 iyul - Milli Mətbuat Günü münasibətilə Azərbaycan İdman Jurnalistləri, Azərbaycan Voleybol Federasiyası (AVF) və "Avrora Group"la birlikdə təşkil etdiyi jurnalistlər arasında voleybol üzrə Zəfər Kubokunda final görüşünün yeri və başlama saatı dəyişdirilib.
Sportnet.az xəbər verir ki, qarşılaşma təşkilati məsələlərlə əlaqədar AVF-nin idman zalından Dərnəgül Voleybol Mərkəzinə keçirilib. İyulun 22-də gerçəkləşəcək görüş saat 14:00-da rəsmi hissə ilə start götürəcək.
Qeyd edək ki, finalda "Şuşa" və "Kəlbəcər" komandaları üz-üzə gələcək.
