"Bakı" klubunun geri qaytardığı hücumçu Jaba Azərbaycan paytaxtında sabah olacaq. Bu barədə Sportnet.az-a klubun vitse-prezidenti Yaşar Seyidov məlumat verib.
Onun sözlərinə görə, braziliyalı futbolçu artıq ölkəmizə viza məsələlərini də həll edib. Seyidov Jabanı hücum xəttinə kömək məqsədilə dəvət etdiklərini bildirib. "Bakı" rəsmisi kluba qayıtmaq istəyində olan digər sabiq futbolçularının, o cümlədən, İbrahim Karqbonun müraciətindən xəbərdar olduqlarını təsdiqləyib: "Onların hər birinə belə çətin gündə dəstəklərinə görə minnətdarıq. Amma klubumuzun strateyası belə müəyyənləşdirilib ki, daha çox öz akademiyamızın yetirmələrinə üstünlük verək. Ona görə də hazırkı legionerlərimiz və Jabadan başqa heç bir əcnəbi almayacağıq".
