Topaz Premyer Liqasının XIII turu Tofiq Bəhramov adına Respublika Stadionunda keçirilən "Qarabağ” – AZAL görüşü ilə start götürdü. Oyun meydan sahiblərinin 2-1 hesablı qələbəsi ilə başa çatdı.
"Qarabağ”ın baş məşqçisi Qurban Qurbanov 2:1 hesabı ilə qalib gəldikləri AZAL-la Topaz Premyer Liqasının XIII tur matçını dəyərləndirib. Sportnet.az-ın məlumatına görə, 42 yaşlı mütəxəssis əsas heyət oyunçularına yer verməməsnin səbəbini açıqlayıb.
O deyib: "İstədiyimiz 3 xalı qazana bildik. Əsas heyət oyunçularına şans verdik ki, "Sent Etyen"lə oyundan öncə praktika çatışmazlığı olmasın. Amma səhvlər yenə də var idi. Onların üzərində işləməliyik".
