"Simurq”un baş məşqçisi George Çixradze "Qarabağ"a 0:1 hesabı ilə uduzduqları Azərbaycan Kubokunun ilk yarımfinal matçını dəyərləndirib. Sportnet.az-ın məlumatına görə, gürcüstanlı mütəxəssis məqsədlərinə nail ola bilmədiklərini söyləyib.
O bildirib ki, səfər oyununda qol buraxmaq yox, vurmaq lazım idi: "Amma ilk hissədə rəqib bizi əks hücumda yaxaladı və qol vurdu. Daha sonra bizim şansımız olsa da, yararlana bilmədik".
Çixradze artıq aprelin 21-də Zaqatalada keçirəcəkləri cavab oyununu düşünməli olduqlarını vurğulayıb: ""Hesab edirəm ki, cavab oyununda rəqibə daha güclü təzyiq etməliyik. Heyətdə müəyyən dəyişikliklər olacaq”.
