"Finalda dönüş yaratmağa tam ciddi çəkildə hazır idim. Ancaq yəqin ki, taktiki səhv etdim. Kiçik səhvim oldu ki, rəqibin ayağımdan tutmağına inkan yaratdım. Bu, mübarizənin taleyini həll etdi". Sportnet.az-ın məlumatına görə, bu fikirləri "Rio-2016" Yay Olimpiya Oyunlarında gümüş medal qazanan sərbəst güləşçimiz Xetaq Qazyumov Bakıda qayıtdıqdan sonra jurnalistlərə açıqlamasında bildirib. O, olimpiadanın gümüşü mükafatçı olmasını özü üçün uğursuz nəticə saydığını söyləyib: "Rio-2016"ya yalnız qızıl medal qazanmaq üçün yollanmışdım. Bildiyiniz kimi, bundan öncəki 2 olimpiadada bürünc medalçı olmuşdum. Çempion ola bilmədiyimə görə çox məyus oldum. Ancaq nə etmək olar. Bu, idmandır, güləşdir".
Qazayumov gələcək karyerası, yenidən olimpiadada çıxış etməsinin mümkünlüyü ilə bağlı bunları bildirib: "İstirahət edib yaxşı düşünməyim lazımdır. Bu qərar tez-bazar, asanlıqla verilmir. İdmanda uzun yol keçən karyeram olub. Bir sözlə deyə bilmərəm ki, artıq indidən qərarımı vermişəm. Yaxşıca fikirləçəcəyəm, ölçüb-biçəcəyəm. Bundan sonra yekun qərarımı açıqlayacağam".
