Fransa milli komandasının futbolçusu Frank Riberi 2014-cü il dünya çempionatında iştirak etməyəcək. Sportnet.az-ın məlumatına görə, səbəb təcrübəli yarımmüdafiəçinin çiynindən zədəli olmasıdır.
Artıq Riberi "xoruzlar"ın iştirak ərizəsindən çıxarılıb. Çünki o, mundialadək bərpa ola bilməyəcək. Daha öncə Fransa millisi "Lion"un yarımmüdafiəçisi Kleman Qrenyönün xidmətindən məhrum olub. Qrenyö isə qasıq əzələlərindən xəsarət alıb.
Qeyd edək ki, zədəli futbolçuları "Monpelye"nin yarımmüdafiəçisi Remi Kabelya ilə İngiltərə "Sautgempton"unda çıxış edən Morqan Şneyderlin əvəzləyib.
