İspaniya millisinin və "Atletiko”nun (Madrid) hücumçusu Dieqo Kosta maraqlı açıqlamalar verib. Sportnet.az-ın məlumatına görə, "O Globo”ya danışan 26 yaşlı futbolçu brazilyalı olsa da, ölkəsinin yığmasında heç vaxt təklif almadığını bildirib
Təcrübəli forvard Luis Felipe Skolaridən fərqli olaraq, Visente Del Boskenin daim onunla maraqlandığını deyib: "Skolari məni heç vaxt Braziliya millisinə dəvət etməyib. Amma İspaniya yığmasının baş məşqçisi Del Boske bunu edib. Mən ancaq Del Boske ilə danışırdım. O, işdən əlavə şam yeməyinə də dəvət edirdi və mənə güvəndiyini deyirdi. Mən braziliyalıyam və həmişə də braziliyalı olaraq qalacağam. Amma İspaniya millisinin tərkibində Dünya menpionatının qalibi olmaq istəyirəm. Hazırda özümü yaxşı hiss edirəm və döyüşə hazıram”.
Qeyd edək ki, Dieqo Kosta braziliyalı olsa da, ötən il İspaniya millisində çıxış edəcəyini açıqlayıb.
