Kamerun yığması 2014-cü il dünya çempionatına yollanmaqdan imtina edir. Sportnet.az-ın "L Equipe" nəşrinə istinadən məlumatına görə, yığma üzvləri mundialda iştirak qarşılığında alacaqları mükafatı yerli futbol federasiyası ilə razılaşdıra bilmirlər.
Bu məsələni həll etməkdən ötrü komanda üzvləri paytaxt Yaundedə qalmaq niyyətindədirlər.
Qeyd edək ki, dünya çempionatında Kamerun yığması ilk oyununu iyunun 13-də Meksikaya qarşı keçirəcək. İyunun 19-a keçən gecə rəqib Xorvatiya, iyunun 23-də isə Braziliya olacaq.
