Azərbaycanın dağ xizəkçisi İlya Kostov İtaliyada beynəlxalq "National Junior Race" turnirində çıxış edib.
Azərbaycan Qış İdman Növləri Federasiyasının mətbuat xidmətindən Sportnet.az-a verilən məlumata görə, bolqarıstanlı legioner slalom yarışında 86.39 xal toplayıb.
O, ümumi nəticədə 9-cu olsa da, öz yaş kateqoriyasından olan idmançılar arasında 3-cü yeri tutub.
Yarışda İtaliya,Fransa,Norveç və digər ölkələrdən olan 74 idmançı iştirak edib.
Qeyd edək ki, İlya Kostov Azərbaycanı dağ xizəyi üzrə yarışlarda 2021-ci ildən təmsil edir.
