Məşhu DJ Afrojack Formula 1 üzrə Azərbaycan Qran Prisi ilə əlaqədar Bakıya gələcək.
Bakı Şəhər Halqası Əməliyyat Şirkətindən (BŞH) Sportnet.az-a verilən məlumata görə, "Grammy” mükafatına sahib Afrojack aprelin 27-də Jamiroquainin iştirakı ilə baş tutacaq axşam konsertinin ardından səhnəyə çıxacaq.
Əvvəlki illərdəkindən fərqli olaraq bu il konsert tədbirləri və ardınca davam edəcək əyləncəli gecə proqramları Bakı Kristal Zalında keçiriləcək.
Qeyd edək ki, DJ Afrojack bəstəkarlığı ilə də məşhurdur. O, elektronik, hip-hop və pop kimi müxtəlif musiqi janrları arasında asanlıqla keçidlər yarada bilən çoxcəhətlisənətçidir. Afrojack yalnız öz treklərinə görə yox, həm də məşhur müğənnilər üçün bəstələdiyi mahnılara görə tanınır. Onun bəstələdiyi treklər sırasına "Beyonce"un "Run The World (Girls)”, Madonnanın David Guetta ilə birlikdə ifa etdiyi "Revolver”və Ne-Yo ilə Pitbull-un birgə səsləndirdikləri "Give Me Everything” mahnıları daxildir.
