Avropa Liqasının birinci təsnifat mərhələsi çərçivəsində "Qəbələ" ilə Gürcüstan "Dinamo"su arasında keçirilən cavab oyununda yerli azarkeşlər qonaqların Tiflisdəki hərəkətlərinə cavab verməyə çalışıblar. Sportnet.az-ın oyunu izləyən əməkdaşının məlumatına görə, Qəbələ şəhər stadionuna toplaşan bir qrup azarkeş tribunada açdığı iki plakatla diqqət mərkəzinə düşüb.
Onlardan birində "Borçalı Azərbaycanındır", digərində isə "Sarvan no Marneuli" (Marneuli yox, Sarvan) qeyd olunub.
Lakin polislərin müdaxiləsi nəticəsində həmin pankartlar dərhal yığışdırılıb. Ardından pankartı açanlar stadiodan çölə çıxarılıb.
