Azərbaycan cüdoçusu Camal Qamzatxanov Tacikistanın paytaxtı Düşənbədə keçirilən Böyük Dəbilqə turnirində gümüş medal qazanıb.
Sportnet.az xəbər verir ki, 100 kq-dan yuxarı çəki dərəcəsində yarışan Qamzatxanov həlledici görüşdə yerli Temur Raximova məğlub olub.
Eyni çəki dərəcəsində Kənan Nəsibov isə bürünc medal uğrunda qarşıdurmada Özbəkistan təmsilçisi Utkirbek Turoboyevə uduzub.
Qeyd edək ki, Azərbaycan cüdoçuları turniri daha öncə 2 qızıl və 1 gümüş medal əldə edib. Beləliklə, milli komanda Böyük Dəbilqəni 2 qızıl, 2 gümüş medalla ikinci pillədə başa vurub. İlk yeri isə 4 qızıl, 3 gümüş, 4 bürünc medalla Tacikistan tutub.
------------------------
Azərbaycanın daha bir cüdoçusu Tacikistanın paytaxtı Düşənbədə keçirilən Böyük Dəbilqə turnirinin qalibi olub.
Sportnet.az xəbər verir ki, 90 kq çəki dərəcəsində yarışan Elcan Hacıyev finalda digər Azərbaycan təmsilçisi Vüqar Talıbovu üstələyərək qızıl medal sahibi olub.
100 kq-dan yuxarı çəkidə Camal Qamzatxanov həlledici görüşdə Tacikistan təmsilçisi Temur Raximov olacaq. Eyni çəkidə yarışan Kənan Nəsibov isə bürünc medal uğrunda özbəkistanlı Utkirbek Turoboyevlə qarşılaşacaq.
Qeyd edək ki, 60 kq-da mübarizə aparan Balabəğ Ağayevin də aktivində qızıl medal var.
--------------------------
Tacikistanın paytaxtı Düşənbədə keçirilən Böyük Dəbilqədə bu gün Azərbaycanın dörd cüdoçusundan üçü finala yüksəlib.
Sportnet.az xəbər verir ki, 90 kq çəki dərəcəsində Elcan Hacıyev və Vüqar Talıbov həlledici görüşdə iştirak hüququna yiyələnib.
Beləliklə, qızıl medal qarşılaşmasında Azərbaycanın iki təmsilçisi üz-üzə gələcək.
100 kq-dan yuxarı çəki dərəcəsində Camal Qamzatxanov finala vəsiqə qazanıb. O, yarımfinalda özbəkistanlı Utkirbek Turoboyevi 9 saniyəyə ipponla üstələyib. Qamzatxanovun son rəqibi tacikistanlı Temur Raximov olacaq.
Bu çəkidəki daha bir cüdoçu Kənan Nəsibov isə 3-cü yer uğrunda görüşə çıxacaq. Nəsibov bürünc medal qarşılaşmasında Turoboyevlə üz-üzə gələcək.
Qeyd edək ki, Düşənbədəki Böyük Dəbilqədə daha əvvəl Balabəy Ağayev 60 kq çəkidə qızıl medal qazanıb. İki çəkidə üç cüdoçunun finala yüksəlməsi Azərbaycanın aktivinə daha bir qızıl və ən azı iki gümüş medalın yazılacağı anlamına gəlir.
