Polşanın Kolobzerq şəhərində keçirilən boks üzrə gənclər arasında Avropa birinciliyində 49 kq çəkidə mübarizə aparan Ruslan Rüstəmov yarımfinalda Ermənistan idmançısı Alen Danielyani ilə üz-üzə gəlib. Sportnet.az-ın məlumatına görə, döyüş boksçumuzun 3:0 hesablı qələbəsi ilə yekunlaşıb.
O, finalda irlandiyalı Stefen Makkennayla qarşılaşacaq.
69 kq-da İsmayil Hüseynov yarımfinalda polşalı Sebastyan Viktorzak üzərində 3:0 hesablı qələbə qazanıb. Boksçumuz qızıl medal uğrunda irlandiyalı Maykl Nevinlə görüşəcək.
60 kq-da isə Elməddin İsmayılov yarımfinalda Denis Qaşiyə uduzaraq, bürünc medalla kifayətlənib.
