Bakıda keçirilən "Böyük dəbilqə" turnirinin bugünkü yarışlarından sonra Beynəlxalq Cüdo Federasiyasının prezidenti Marius Vizer final mərhələsindən təşkilatçılıq haqda fikirlərini bildirib. Sportnet.az-ın məlumatına görə, Vizer Azərbaycanın böyük bir turnirə ev sahibliyi etdiyini söyləyib.
O, Azərbaycan Cüdo Federasiyasının səmərəli fəaliyyət göstərdiyini bildirib: "Azərbaycanda idmana böyük maraq var. İdmana göstərdiyi diqqət və qayğıaya görə ölkə Prezidenti İlham Əliyevə xüsusi təşəkkür edirəm. Doğurdan da çox böyük bir yarış keçirilir və təşkilatçılıqdan razıyam".
Qeyd edək ki, Marius Vizer Bakıya bu gün gəlib.
