Cüdo üzrə Azərbaycan yığmasının sabiq baş məşqçisi Peter Zayzenbaherin həbsinə order verilib. Sportnet.az-ın məlumatına görə, qərar Avstriya prokurorluğu tərəfindən qəbul edilib.
O, Vyana məhkəməsində yetkinlik yaşına çatmayan şəxslə cinsi əlaqədə olmaqda ittiham olunur. Lakin Zayzenbaher məhkəmə proseslərində iştirak etməyib. Bu səbəbdən yerli prokurorluq onun həbsinə qərar verib.
57 yaşlı mütəxəssis daha əvvəl 11 və 13 yaşlı qızlarla, 2001-ci ildə Xorvatiya toplanışı zamanı isə 16 yaşlı tələbəsi ilə cinsi əlaqəyə girib.
Qeyd edək ki, Peter Zayzenbaher 2012-ci ildə Azərbaycan yığmasına başçılıq edib əv 2 il bu postda çalışıb. 2015-ci ildə yenidən yığmaya çağırılan avstriyalı 2016-cı il Rio-de-Janeyro Yay Olimpiya Oyunlarında sonra ölkəni tərk edib.
