Almaniyada kişi boksçular arasında keçirilən dünya çempionatına yekun vurulub.
Sportnet.az-ın məlumatına görə, Hamburq İdman Sarayında təşkil edilən mundialın son günündə 10 çəki dərəcəsində final görüşləri baş tutub.
Həlledici döyüşlərdə Azərbaycan millisinin lideri Məhəmmədrəsul Məcidov da rinqə çıxıb. +91 kq çəki dərəcəsində mübarizə aparan ikiqat dünya çempionumuz qazaxıstanlı Kamşibek Kunkabayevi məğlub edərək qızıl medala sahib olub. İdmançımıza mükafatı təqdim edənlərdən biri ukraynalı məşhur boksçu, 1996-cı il Atlanta Yay Olimpiya Oyunlarında 91 kq-dan yuxarı çəki dərəcəsində qızıl medal qazanmış Vladimir Kliçko olub
