Azərbaycan cüdoçuları Özbəkistanın paytaxtı Daşkənddəki Qran Pridə çıxışlarını başa vurublar. Sportnet.az-ın məlumatına görə, son yarış günündə tatami üzərində Vasif Şərbətli çıxıb.
O, elə ilk görüşdəcə belaruslu Nikita Şvırıda 1 dəqiqəyə ipponla uduzaraq, mübarizəni dayandırıb.
Beləliklə, Qran Pridə 5 cüdoçu ilə təmsil olunan Azərbaycan 1 qızıl, 2 bürünc medalla kifayətlənib. Vüqar Şirinli (60 kq) qızıl, Telman Vəliyev (73 kq) və Fəqan Quluzadə (81 kq) bürünc medala sahib olub. Vasif Şərbətli ilə yanaşı, Orxan Hacıağalı (66 kq) da ilk görüşdə uduzaraq, yarışla vidalaşıb.
