Sloveniyanın Koper şəhərində cüdo üzrə yeniyetmələrin Avropa kubokuna yekun vurulub.
Sportnet.az-ın məlumatına görə, yarışın sonuncu günü də Azərbaycan milli komandası üçün uğurlu olub.
Yeniyetmə cüdoçular daha 3 medal qazanıblar. Azər Yaqub İsmayılzadə (90 kq) və Toğrul Salmanov (+90 kq) bütün rəqiblərinə qalib gələrək fəxri kürsünün ən yüksək pilləsinə qalxıblar.
İbrahim Ağakişiyev (81 kq) isə bürünc medala sahib olub.
Bununla da Azərbaycan milli komandası Avropa Kubokunda 4 qızıl, 1 gümüş və 2 bürünc medal qazanaraq, ümumi hesabda 1-ci yeri tutub.
Qeyd edək ki, 17 ölkədən 230 idmançının (153 oğlani, 77 qız) mübarizə apardığı mötəbər birincilikdə Azərbaycan milli komandası 15 oğlan cüdoçu ilə təmsil olunub.
