Qroznıda Çeçenistan prezidenti Ramzan Kadırovun Kuboku uğrunda sərbəst güləş üzrə VI beynəlxalq turnir keçirilib. Sportnet.az-ın məlumatına görə, yarışda məşqçilər David Kurtsiya və Nazim Əlicanovun rəhbərliyi altında iştirak edən Azərbaycan güləşçilərindən 2-si fəxri kürsüdə yer alıb.
74 kq çəkidə mübarizə aparan Cəbrayıl Həsənov və 125 kq çəkidə təmsilçimiz Əli İsayev bürünc medala sahib olub. Komanda hesabında güləşçilərimiz Rusiyadan sonra ikinci sırada qərarlaşıb.
Görüşlərin idarə edilməsində ölkəmizi beynəlxalq dərəcəli hakim Zaur Şərifov təmsil edib.
