Azərbaycanın MMA (Qaydasız döyüş) döyüşçüsü Vüqar Kərəmov dünyanın ən nüfuzlu təşkilatlarından olan “Bellator”da karyerasının 16-cı peşəkar qarşılaşmasına çıxacaq.
Sportnet.az-ın məlumatına görə, keçirdiyi son 9 döyüşün hamısında qalib gələn idmançının budəfəki rəqibi təcrübəli brazilyalı döyüşçü, 70 kq çəki dərəcəsində Qustavo Vurlitser olacaq.
İsrailin paytaxtı Təl-Əviv şəhərində keçiriləcək qarşılaşmanı bir sıra xarici kanallar canlı yayımlayacaq.
Qeyd edək ki, Vüqar Kərəmov peşəkar döyüşlərlə yanaşı, MMA və pankration üzrə dəfələrlə dünya və Avropa çempionu, 2013-cü il Dünya Oyunlarının qalibi və eyni zamanda, Uşu Sanda üzrə 2017-ci ildə keçirilən İslam Oyunlarının qaliblərindən olub.
