Tokio-2020 Yay Olimpiya Oyunlarına lisenziya xarakterli boks üzrə Avropa Təsnifat Turnirinin yeni tarixi bəlli olub.
Sportnet.az "Inside the Games" nəşrinə istinadən xəbər verir ki, martda koronavirus pandemiyasına görə yarımçıq dayandırılan yarış 2021-ci ilin aprelində gerçəkləşəcək.
8 kişi və 5 qadın kateqoriyasında qarşılaşmalar 22 - 26 apreldə olacaq.
Qeyd edək ki, Avropa Təsnifat Turnirində Azərbaycan boksçuları da mübarizə aparırdı. Onlardan Tayfur Əliyev (57 kq), Cavid Çələbiyev (63 kq) və Kamran Şahsuvarlı (75 kq) qələbə ilə başladıqları halda, Rauf Rəhimov (91 kq) və Anaxanım Ağayeva (51 kq) ilə görüşdəcə uduzaraq, mübarizəni dayandırıblar. Tayfur Əliyev 1/4 finala yüksəlməklə Tokio-2020 Yay Olimpiya Oyunlarına lisenziya da əldə edib.
