Azərbaycan cüdoçusu Zelim Kotsoyev Portuqaliyanın paytaxtı Lissabonda keçirilən Avropa çempionatında bürünc medal görüşünə çıxıb.
Sportnet.az-ın məlumatına görə, 100 kq çəki dərəcəsində çıxış edən 23 yaşlı idmançının rəqibi rusiyalı Niyaz İlyasov olub. Görüşün başa çatmasına 1 dəqiqə 10 saniyə qalmış Kotsoyev rəqibini ipponla məğlub edib.
Beləliklə, Azərbaycan millisi Avropa çempionatını 2 bürünc medalla başa vurub. Daha əvvəl Kəramət Hüseynov (60 kq) da fəxri kürsüyə qalxıb.
-----------------------------
Azərbaycan cüdoçusu Zelim Kotsoyev Portuqaliyanın paytaxtı Lissabonda keçirilən Avropa çempionatında bürünc medal görüşünə vəsiqə qazanıb.
Sportnet.az-ın məlumatına görə, 100 kq çəki dərəcəsində çıxış edən 23 yaşlı idmançı mübarizəyə 1/16 final mərhələsindən başlayıb. O, avstriyalı Aaron Fara və macarıstanlı Jombor Veqi yendikdən sonra 1/4 finalda gürcüstanlı İlia Sulamanidzeyə uduzub.
Bununla belə, Kotsoyev təsəlliverici görüşdə fransalı Siril Mareni üstələməyi bacarıb. 3-cü yer uğrunda qarşılaşmada onun rəqibi rusiyalı Niyaz İlyasov olacaq.
Bu gün tatami üzərinə çıxan azərbaycanlı digər cüdoçulardan Elmar Qasımov (100 kq), Uşangi Kokauri (+100 kq) və İrina Kindzerska (+78 kq) ilk görüşdəcə uduzaraq mübarizəni dayandırıblar.
Qeyd edək ki, hələlik Azərbaycan cüdoçularından yalnız Kəramət Hüseynov (60 kq) bürünc medal qazanıb.
--------------------------------
Portuqaliyanın paytaxtı Lissabonda keçirilən Avropa çempionatının son yarış günündə Azərbaycanın 4 cüdoçusu mübarizə aparacaq.
Sportnet.az-ın məlumatına görə, 100 kq çəki dərəcəsindəki Zelim Kotsoyev və Elmar Qasımovun ilk görüşü 1/16 finala təsadüf edəcək. 100 kq-dan yuxarı kişi cüdoçu Uşangi Kokauri və yeganə qadın cüdoçu İrina Kindzerska yarışa 1/8 finaldan başlayacaq.
Avropa çempionatı
18 aprel
Kişilər
100 kq
1/16 final. Zelim Kotsoyev - Aaron Fara (Avstriya)
1/8 final. Zelim Kotsoyev - Jombor Veq (Macarıstan)
1/4 final. Zelim Kotsoyev - İlia Sulamanidze (Gürcüstan)
Təsəlliverici görüş: Zelim Kotsoyev - Siril Mare (Fransa)
Bürünc medal görüşü: Zelim Kotsoyev - Niyaz İlyasov
1/16 final. Elmar Qasımov - Toma Nikiforov (Belçika)
+100 kq
1/8 final. Uşangi Kokauri - Daniel Allerstorfer (Avstriya)
Qadınlar
+78 kq
1/8 final. İrina Kindzerska - Lea Fonteyn (Fransa)
Qeyd edək ki, hələlik Azərbaycan cüdoçularından yalnız Kəramət Hüseynov 60 kq çəki dərəcəsində bürünc medalla kifayətlənib.
