Martın 29-da Bolqarıstanın Ruse şəhərində start götürəcək güləş üzrə U-23 Avropa çempionatında iştirak edəcək Azərbaycan yığma komandası hazırlıqlarını davam etdirir. Sportnet.az-ın məlumatına görə, Olimpiya Güləş Mərkəzində keçirilən təlim-məşq toplanışında 18 sərbəst, 27 yunan-Roma və 12 qadın güləşçi yer alıb.
Aprelin 3-dək davam edəcək çempionatın proqramına əsasən, martın 29 və 30-da yunan-Roma, bir gün sonra qadın, aprelin 2 və 3-də isə sərbəst güləşçilər arasında qaliblər müəyyənləşəcək.
Qeyd edək ki, ötən il ilk dəfə keçirilən U-23 Avropa çempionatında yığma komandalarımız ümumilikdə 1 qızıl, 2 gümüş və 6 bürünc medala sahib olub.
