"Bakı 2015" I Avropa Oyunlarının keçiriləcəyi məkanlardan biri də Milli Gimnastika Arenasıdır. Sportnet.az-ın məlumatına görə, ötən il tikintisi tamamlanan arena 6800 tamaşaçı tutumuna malikdir.
Arenada gimnastların elmi biliklərinin artırılması üçün məktəb fəaliyyət göstərir. Bundan başqa, məşq zalı da idmançıların ixtiyarına verilib. Təlim-məşq toplanışı zamanı gimnastlar federasiyanın ərazisində yerləşən oteldə istirahət edə biləcəklər.
Onların qidalanması üçün restoran istifadəyə verilib. Üstəlik, idmançıların daim sağlam olmaları üçün arenada tibb məntəqəsi fəaliyyət göstərir.
Qeyd edək ki, Milli Gimnastika Arenasında I Avropa Oyunları zamanı gimnastikanın idman, bədii, batut, aerobika və akrobatika növləri üzrə yarışlar keçiriləcək (Report.az).
