Hazırda davam edən "Bakı" - "Xəzər Lənkəran" matçı davam edir. Sportnet.az-ın oyunu izləyən əməkdaşının verdiyi məlumata görə, oyunu izləyənlər arasında "Sumqayıt"ın prezidenti Kamran Quliyev, millinin məşqçisi Mahmud Qurbanov və U-19 millisinin baş məşqçisi Nazim Süleymanov var.
Sarı vərəqə limitinə görə meydana çıxa bilməyən "Xəzər Lənkəran"ın futbolçusu Ağabala Ramazanov və ötən tur qırmızı vərəqə almış Rasim Ramaldanov oyununu tribunadan izləyirlər.
Stadionda təxminən 500-ə yaxın azarkeş var. Lənkəran azarkeşləri sevimli komandalarını soyunaraq yarıçılpaq vəziyyətdə dəstəkləyirlər. Həmçinin həbsdə olan Elman Tağıyevə (Eliko Ləzginçik) azadlıq şüarları səsləndiriblər.
Qeyd edək ki, görüş 17:00-da start götürüb.
