Türkiyənin Bolu şəhərində təlim-məşq toplanışında olan "Neftçi” klubu hazırlıq prosesi çərçivəsində ikinci yoxlama oyununu keçirib. Sportnet.az-ın məlumatına görə, flaqman Gürcüstan Kubokunun finalçısı "Çixura” ilə yenidən qarşılaşıb.
Oyun 1:1 hesablı heç-heçə ilə nəticələnib. "Neftçi"nin qolunu Julius Vobay vurub. Cavid İmamverdiyev 48-ci dəqiqədə penalti zərbəsindən yararlana bilməyib.
"Ağ-qaralar"ın start heyəti belə olub: Emil Balayev, Karlos Kardoso, Elvin Yunuszadə, Məqsəd İsayev, Bruno Bertuççi, Kaue Sesilyo, Mirhüseyn Seyidov, Samir Məsimov, Flavinyo, Julius Vobay, Ernest Nfor.
Qeyd edək ki, "Neftçi" ilə "Çixura" bir neçə gün öncə də yoxlama matçında üz-üzə gəlib. Görüş Gürcüstan təmsilçisinin qələbəsi ilə yekunlaşıb - 3:2.
