Adı açıqlanmayan Səudiyyə Ərəbistanı klubu İspaniya "Real Madrid"inin futbolçusu Vinisius Juniora 5 illik müqavilə müddəti ərzində 1 milyard avro təklif edib.
Sportnet.az xəbər verir ki, bu barədə İspaniyanın AS nəşri məlumat yayıb.
Mənbənin məlumatına görə, ərəblər "kral klubu"na Vinisiusun transferi üçün 300 milyon avroluq təklif hazırlayır.
“Real Madrid” braziliyalı futbolçunu 1 milyard avrodan aşağı qiymətə satmayacağını bildirib. Lakin 25 yaşlı futbolçunun özü rəhbərliyə satışa çıxarılmasını bildirsə, klub onu daha aşağı qiymətə satmağa hazırdır.
Daha əvvəl Juniorun, “Əl-Hilal” və “Əl-Nəsr”in onunla maraqlanmasına baxmayaraq, Madrid klubunda qalmaq niyyətində olduğu bildirilirdi.
Qeyd edək ki, Vinisius Junior bu mövsüm bütün turnirlərdə 26 oyunda 16 qol və 10 məhsuldar ötürmə müəllifi olub. Onun klubla hazırkı müqaviləsi 2027-ci ilin yayına kimi nəzərdə tutulub.
