İtaliya "Yuventus"u İngiltərənin "Çelsi" klubunun futbolçusu Renato Veyqanı icarəyə götürüb.
Sportnet.az klubun rəsmi saytına istinadən xəbər verir ki, portuqaliyalı müdafiəçi ilə cari mövsümün sonuna qədər müqavilə bağlanılıb. Veyqa Turin təmsilçisində 12 nömrəli formanı geyinəcək.
"Qoca sinyora"nın 21 yaşlı oyunçunun keçidi üçün 5 milyon avro ödədiyi bildirilir.
Qeyd edək ki, Renato Veyqa 2024-cü ilin yayında İsveçrənin "Bazel" klubundan "Çelsi"yə transfer olunub. Veyqa bu müddət ərzində "zadəganlar"la 18 oyun keçirib, 2 qol vurub və 1 məhsuldar ötürmə edib.
