Futbol üzrə Türkiyə Kubokunda növbəti yarımfinalçı müəyyənləşib.
Sportnet.az xəbər verir ki, 1/4 final mərhələsinin üçüncü oyununda “Fənərbağça” əzəli rəqibi “Qalatasaray”ı qəbul edib.
“Şükrü Saracoğlu” stadionunda keçirilən qarşılaşmanı “sarı-qırmızılar” qazanıb - 2:1.
Joze Mourinyonun rəhbərlik etdiyi kollektivdən Sebastyan Şimanski (45+2-ci dəqiqə), Okan Burukun komandasından isə Viktor Osimhen fərqlənib (10, 27 - penalti).
“Qalatasaray” yarımfinal mərhələsində “Konyaspor”la qarşılaşacaq.
Qeyd edək ki, Türkiyə Kubokunda 1/4 final mərhələsinə aprelin 3-də “Beşiktaş” - “Göztepe” matçı ilə yekun vurulacaq. Qalib komanda “Trabzonspor”la üz-üzə gələcək.
