Azərbaycan milli komandasının futbolçusu Renat Dadaşov Polşa “Radomyak”ının heyətində Ekstraklasada növbəti oyununu keçirib.
Sportnet.az xəbər verir ki, çempionatın XXVII turuna təsadüf edən qarşılaşmada rəqib “Zaqlembe” olub.
"Radomyak" öz meydanında oynadığı qarşılaşmadan məğlub ayrılıb - 0:1.
Start heyətdə meydana çıxan Dadaşov 82-ci dəqiqədə əvəzlənib. 59-cu dəqiqədə oyun qar çovğununa görə dayandırılsa da, bir müddətdən sonra bərpa olunub.
Bu nəticədən sonra "Radomyak" 34 xalla 18 komanda arasında 11-ci pillədə yer alıb.
Qeyd edək ki, Renat Dadaşov qış transfer pəncərəsində Türkiyənin “Ankaragücü” klubundan “Radomyak”a keçib. O, yeni klubundakı 5 oyunda 2 qol və 1 məhsuldar ötürmə müəllifi olub.
----------------------
Azərbaycan milli komandasının futbolçusu Renat Dadaşovun klubu Polşa “Radomyak”ının oyunu yarımçıq qalıb.
Sportnet.az xəbər verir ki, Polşa çempionatının XXVII turunda evdə “Zaqlembe” ilə matç qar çovğununa görə 60-cı dəqiqəqə dayandırılıb.
Həmin vaxt qonaq komanda 1:0 hesabı ilə öndə olub.
Dadaşov görüşə əsas heyətdə başlayıb.
Qeyd edək ki, Renat Dadaşov qış transfer pəncərəsində Türkiyənin “Ankaragücü” klubundan “Radomyak”a keçib. O, yeni klubundakı 4 oyunda 2 qol və 1 məhsuldar ötürmə müəllifi olub.
