UEFA Avropa Liqasında Liqa mərhələsinin püşkü atılıb.
Sportnet.az xəbər verir ki, Monakoda təşkil olunan mərasimdə Türkiyənin yarışdakı yeganə təmsilçisi "Fənərbağça"nın da rəqibləri müəyyənləşib.
"Sarı-lacivərdlilər" səfərdə "Dinamo Zaqreb" (Xorvatiya), "Viktoriya Plzen" (Çexiya), FKSB (Rumıniya) və "Brann" (Norveç), evdə isə "Aston Villa" (İngiltərə), "Ferentsvaroş" (Macarıstan), "Nitsa" (Fransa) və "Ştutqart" (Almaniya) komandaları ilə qarşılaşacaq.
Avropa Liqasının əsas mərhələsinin ilk turunun oyunları 24-25 sentyabrda keçiriləcək. Final oyunu isə 2026-cı il mayın 20-də Türkiyənin İstanbul şəhərindəki "Tüpraş" stadionunda təşkil olunacaq.
