Fransa və Azərbaycan yığmalarına qarşı keçirəcəyi 2026-cı il dünya çempionatının seçmə qrup oyunlarından əvvəl Ukrayna millisinin heyətində dəyişikliklər baş verib.
Sportnet.az-ın Ukrayna Futbol Assosiasiyasının rəsmi saytına istinadən verdiyi məlumata görə, baş məşqçi Sergey Rebrov müdafiəçi Boqdan Mixayliçenko və Nazar Voloşini ehtiyat heyətdən əsas komandaya cəlb edib.
"Polesye" klubunun üzvü Mixayliçenko "Dinamo Kiyev"in zədəli arxa xətt oyunçusu Aleksandr Timçiki əvəzləyib.
Voloşin isə milliyə "Dinamo Kiyev"dən dəvət alıb.
Xatırladaq ki, Ukrayna yığması sentyabrın 5-də Polşanın Vrotslav şəhərində Fransanı qəbul edəcək. Sentyabrın 9-da isə Rebrovun komandası Bakıdakı Tofiq Bəhramov adına Respublika stadionunda Azərbaycan millisinin qonağı olacaq.
