UEFA Çempionlar Liqasının əsas mərhələsində II turun “Qarabağ” və Danimarka “Kopenhagen”i arasında keçiriləcək oyunundan öncə azarkeşləri xüsusi sürpriz gözləyir.
Sportnet.az xəbər verir ki, matçdan əvvəl Qarabağ atları stadionun ətrafında dövrə vuraraq tribunadakı azarkeşlərə unudulmaz anlar yaşadacaq.
Bu ənənəvi simvol klubun adını və Qarabağ ruhunu azarkeşlərə daha yaxından çatdırmaq məqsədi daşıyır.
Dövrə stadionun atletika zolağında 19:35-də start götürəcək və azarkeşlərimiz üçün əsl motivasiya mənbəyinə çevriləcək.
Qeyd edək ki, oyun saat 20:45-də başlanacaq.
