Milli komandaların ən yüksək ödənişli baş məşqçilərinin siyahısı açıqlanıb.
Sportnet.az-ın "La Gazzetta dello Sport"a məlumatına görə, ilk "10-luq"da oktyabrın 6-da Özbəkistan yığmasının sükanı arxasına keçən Fabio Kannavaro da yer alıb.
Ona illik 4 milyon avro ödəniləcək. Bu göstərici ilə Kannavaro Portuqaliya millisindəki həmkarı Roberto Martineslə birlikdə 4-5-ci yerləri bölüşdürür.
Siyahıya daha bir italiyalı mütəxəssis Karlo Ançelotti başçılıq edir. Braziliya yığmasının baş məşqçisi ildə 9,5 milyon avro qazanacaq.
Dünyanın ən ödənişli baş məşqçiləri (ilk 10-luq):
1. Karlo Ançelotti (Braziliya) - 9,5 milyon avro
2. Tomas Tuxel (İngiltərə) - 5,9
3. Yulian Nagelsmann (Almaniya) - 4,9
4-5. Fabio Kannavaro (Özbəkistan) - 4
4-5. Roberto Martines (Portuqaliya) - 4
6. Didye Deşam (Fransa) - 3,8
7. Marselo Byelsa (Uruqvay) - 3,5
8. Ronald Kuman (Niderland) - 3
9. Qustavo Alfaro (Paraqvay) - 2,5
10. Lionel Skalloni (Argentina) - 2,3.
