"Yenidən "Qarabağ"da çıxış etmək xoş hissdir. "Qarabağ"ın yetirməsiyəm, mənə doğma olan komandaya qayıtmışam". Bunu "Qarabağ"a qayıdan Azərbaycan yığmasının futbolçusu Əfran İsmayılov klubun saytına açıqlamasında deyib.
Sağ cinah yarımmüdafiəçisi 1 illik müqavilə bağladığı Ağdam təmsilçisini iddialı, hədəfləri olan komanda adlandırıb: "Təbii ki, ciddi rəqabətin olduğunun fərqindəyəm. Amma əsas heyət uğrunda mübarizədən çəkinmirəm. Əsas məqsədim komandaya faydalı olmaqdır. Əlimdən gələnin ən yaxşısını etməyə çalışacağam. İnşallah, keçidim hər 2 tərəf üçün faydalı olar".
Qeyd edək ki, Əfran İsmayılov Çempionlar Liqasında III təsnifat mərhələsindən etibarən "Qarabağ"a kömək edə biləcək.
