"Kəpəz” növbəti yoxlama oyununu keçirib. Sportnet.az-ın məlumatına görə, Gəncə klubu Azərbaycan Dövlət Bədən Tərbiyəsi və İdman Akademiyasının stadionunda I divizionun son qalibi "Neftçala” ilə üz-üzə gəlib.
FİFA referisi Əliyar Ağayevin idarə etdiyi oyunu üstün keçirən baş məşqçi Şahin Diniyevin komandası 2:0 hesabı ilə qalib gəlib. İlk yarıda Azad Kərimov fərqlənib. İkinci hissədə "Kəpəz”in digər yeni transferi, ukraynalı hücumçu Aleksandr Sıtnik dəqiq olub.
Qeyd edək ki, "Neftçala”ya qarşı oyun "Kəpəz"in mövsüm öncəsi son hazırlıq matçı olub.
