İngiltərənin "Çelsi” klubunun baş məşqçisi Joze Mourinyo "Mançester Siti” ilə oyun öncəsi keçirdiyi mətbuat konfransında rəqiblərinə söz atıb. Sportnet.az-ın məlumatına görə, jurnalistlərdən biri Pelleqrininin çempionluq qazanmadığı halda, "Mançester Siti”də qalmasına Mourinyonun münasibətini öyrənib.
"Bəzi klublar 15 ildir çempionluq qazana bilmir, amma məşqçilərini dəyişmirlər” deyə cavab verən Mourinyo "Arsenal”ın baş məşqçisi Arsen Vengerə "ilişib”: "Çempion olmaq çətindir. İkinci dəfə çempion olmaq daha çətin. Nəyə görə Çempionlar Liqasını heç bir komanda ardıcıl qazana bilmir? Bir ölkədə tək güclü komanda sizsinizsə, dəfələrlə çemion olmaq olar. Çünki qarşınızda başqa rəqib olmayacaq. Amma Çempionlar Liqası belə deyil. Hər rəqib sizə qarşı daha yaxşı oynaya bilər. Premyer Liqada da belədir. Almaniyaya gedə bilərsiniz. "Bavariya”ya qarşı neçə komanda ciddi müqavimət göstərə bilər? Üç dəfə ardıcıl çempion oldular, dördüncü dəfə də ola bilərlər. "Mançester Siti" 2014-cü ildə çemion oldu və digər klublar bu uğurdan məhrum oldu. Ardınca "Çelsi” və "Arsenal” güclü transferlər etdi və "Çelsi” çempion oldu. İndi isə digər klublar güclü transferlər edir. İngiltərə Premyer Liqası və Çempionlar Liqasında çempion olmaq buna görə çətindir”.
"Bəzi klublar 15 ildir çempionluq qazana bilmir, amma məşqçilərini dəyişmirlər” deyə cavab verən Mourinyo "Arsenal”ın baş məşqçisi Arsen Vengerə "ilişib”: "Çempion olmaq çətindir. İkinci dəfə çempion olmaq daha çətin. Nəyə görə Çempionlar Liqasını heç bir komanda ardıcıl qazana bilmir? Bir ölkədə tək güclü komanda sizsinizsə, dəfələrlə çemion olmaq olar. Çünki qarşınızda başqa rəqib olmayacaq. Amma Çempionlar Liqası belə deyil. Hər rəqib sizə qarşı daha yaxşı oynaya bilər. Premyer Liqada da belədir. Almaniyaya gedə bilərsiniz. "Bavariya”ya qarşı neçə komanda ciddi müqavimət göstərə bilər? Üç dəfə ardıcıl çempion oldular, dördüncü dəfə də ola bilərlər. "Mançester Siti" 2014-cü ildə çemion oldu və digər klublar bu uğurdan məhrum oldu. Ardınca "Çelsi” və "Arsenal” güclü transferlər etdi və "Çelsi” çempion oldu. İndi isə digər klublar güclü transferlər edir. İngiltərə Premyer Liqası və Çempionlar Liqasında çempion olmaq buna görə çətindir”.
Qeyd edək ki, "Mançester Siti” – "Çelsi” matçı bu gün saat 20:00-da start götürəcək.
