"Çox xoşbəxtəm. Uzun danışıqlardan sonra artıq deyə bilərəm ki, "Neftçi”nin futbolçusu oldum və bununla qürur duyuram". Sportnet.az-ın məlumatına görə, bunu yeni transfer Antonio Quinta "Neftçi"nin rəsmi saytına açıqlamasında deyib.
O, yeni komandası barədə bəzi məlumatlarının olduğunu söyləyib: "Artıq bilirəm ki, böyük tarixə malik olan "Neftçi” ölkənin ən yaxşı komandalarından biridir. Harada olduğumu anlayıram. Bu mənim üçün yeni təcrübədir. Burada olduğum üçün qürur hissi keçirirəm. Azarkeşlərin mənim komandada olmağımdan özlərini xoşbəxt hiss etmələri üçün əlimdən gələni edəcəyəm”.
Qeyd edək ki, ispaniyalı hücumçu ilə cari mövsümün sonunadək müqavilə bağlanılıb.
