"Xəzər Lənkəran"ın baxışa dəvət etdiyi Fernando Qabriel artıq cənubluların düşərgəsinə qoşulub. Bu barədə Sportnet.az-a klubun mətbuat xidmətinin rəhbəri Hüseyn Cəbrayıloğlu məlumat verib.
Hazırda Türkiyənin Ərzurum bölgəsində davam edən təlim-məşq toplanışında bu gündən etibarən braziliyalı da da iştirak edir. Cəbrayıloğlu yarımmüdafiəçinin baş məşqçi Oğuz Çətin tərəfindən bəyənildiyini və 1.5 illik müqavilə imzalanacağını söyləyib.
Qeyd edək ki, 26 yaşlı futbolçu karyerası ərzində yalnız Braziliyada çıxış edib. O, "San-Kaetano”, "İnternasional” (B komandası), ADAP, "Araquayna”, "Moqi-Mirim”, "Parana”, "Fiqeyrense”, "Krisiuma”, "Braqantino” və "İtuano” klublarında çıxış edib. Qabriel ötən mövsüm Braziliya B Seriyasında mübarizə aparan "Parana"nın şərəfini qoruyub.
